LIHKG英文，林鄭會點講？

我諗「連登」呢兩隻字，無乜香港人會唔識。原本只係一個「廢青」集中地，而家變咗做全球觸目嘅抗爭大本營，各地全媒都經常提及連登。

外國報紙同網媒，好自然就會落連登嘅官方名LIHKG，但呢個名到底要點用英文讀？無人知。聽講連登創立時討論過，最後不了了之，可能無諗過自己有機會衝出香港，根本就無Care過外國人點讀連登個名。

何韻詩兩個星期之前，就向網友求救，問LIHKG英文點讀，因為佢第二日要去外國(三藩市)演講，內容會提到連登。佢未必係第一個人問呢個問題，但就引起好大迴響，引嚟幾百個回覆。

網友回答五花百門，但比較多人傾向直接讀出L-I-H-K-G。雖然讀起上嚟比較甩咳，但至少比起亂作一個讀法好。當然亦有其他提案，如Linden Forum(跟廣東話讀法)、 Lineage Hong Kong Golden Forum(保留連尼住個名)、Baby Kingdom(呢個就擺明玩嘢)等等。

跟住有人喺連登出post(連尼住入黎：HOCC問連登英文點讀？)，推到#375終於有官方回應︰

最後何韻詩都係講L-I-H-K-G。

不過以上唔係呢篇文嘅重點。喺尋晚(9月2日)，路透社爆咗單大料(Hong Kong leader says she would ‘quit’ if she could)，話收到林鄭同外商嘅閉門會議錄音。入面講嘅嘢無乜新意，不外乎話自己想辭職但做唔到，自己無實權處理之類。林鄭比中央架空，就係人都知，不過由佢親口講，仲有證據就第一次。

我唔係政治專家，條片係流出定有心流出，背後有乜目的就唔分析喇，大家有興趣就去隔離無神論者的巴別塔度睇。我只係留意到一點，就係林鄭講到呢排佢唔敢出街，因為佢出現嘅消息，好快會上晒telegram同連登，怕會有一堆黑衫圍佢。

I have not been on the streets, not in the shopping malls, can’t go to a hair salon, can’t do anything because my whereabouts will be spread around the…