熟達哥嘅，都知佢喺直播時會避免爆粗。有時玩得太激動，唔小心「破防」，都會半開玩笑咁兜話無講(然後破防不招而死save)。所以更顯得佢今次，情緒真係唔多穩定。
作為一個大情大性嘅人，有情緒想發洩，係好自然嘅事。我諗好多人，當初都係畀達哥情迷打機嘅一片真心而吸引，繼而Subscribe睇直播，直頭當係收音機/電視劇咁晚晚追。
我都唔exactly記得幾時開始留意達哥，而家諗返，可能2012年果陣，跟風買咗PC版《Sleeping Dogs》，搵攻略時就無意中發現Youtube上，達哥玩呢隻Game嘅片勁受歡迎，因為佢會喺原本嘅故事線上面另加自創FF劇情，又會搵到好多唔依正路嘅刁轉玩法。
就好似呢段《綠帽達之復仇》精華，任務本身無咩爆點，但喺佢瘋狂旁述之下，就變得爆笑無比，隔幾年再睇返都忍唔住笑。
自此之後，我就開始睇達哥嘅Youtube片，多數係網友整嘅精華版，但好多時見啲open world遊戲(例如人中、Dead Rising、刺客教條系列仲有GTA V等等)，精彩玩法簡直不能盡錄，加上想順便了解埋主線故事，於是連完整實況(連留言版本)都會追埋。
有好多時我都係睇咗當玩咗，因為經達哥一玩，爛game卡關都變成無上樂趣。但我覺得直播又未必會打擊遊戲銷量，以自己為例，有時見佢玩完，覺得正嘅都會自己買返隻玩吓。最近玩返《…
