宅人一個,熱衷探討本地宅文化生態,自創《宅人調查報告》同人誌系列。現正鑽研各種寫文賺錢方法,包括密貨幣LikeCoin、Patreon。另經營FB專頁「好宅之人」。Medium目錄︰https://bit.ly/32nr6Jn

997 Followers
·
Follow

廢話唔多講,直接開拖!!!

1. 要寫手慢慢摸

一入到Medium,發現寫手自己果版完全轉晒format,以前要逐篇click入去先睇到,而家就放晒啲內文喺同一版。喂啊,你轉都唔緊要,但可唔可以清楚話我知你個介面改咗乜,有乜嘢新function update咗,等我唔駛喺度亂咁撞吖。

(後尾先發現,原來要去到Medium個blog,click落其中一篇文章,先睇到有乜更新)

2. 啲舊function唔知放晒去邊

以前要edit文好簡單,click入篇文,撳右上角三點就搵到。而家入到篇文,果三點消失咗,原來放咗去篇文最底嘅右下角。即係話,每次要改嘢,都要碌到底先得,如果篇文長啲,都幾嘔血。

但呢個問題都未係最嚴重,以前有個極常用嘅function,叫share friend link,即係就算篇文鎖起咗,都可以喺facebook貼friend link,方便無medium嘅讀者睇返啲文,而家個function直頭鬼隱埋,搵極都無!到底係Medium取消咗friend link設計,定係layout設計太廢令我搵唔到?

3. 果三點到底係咩事?

Medium要換Logo,當然無問題,之前都隔一兩年就換一次,至於今次個Logo係抽像定無厘頭,我no comment,有興趣可以去睇 Ellan Ou嘅分析文章。

但係個Logo變咗做三個橫排嘅點,簡直就係想玩殘用家!大家都知而家好多網站設計(包括Medium本身)都用三點嘅符號代替Menu,Medium個新Logo偏偏放正喺右上角,即係以前舊Layout三點Menu符號個位,結果我已經不下十次撳鬼錯咗個新Logo(當咗做menu),load完主頁面之後又要back返去原本個位,浪費咗我唔少時間。

就算個Logo設計得幾出色都好,如果直接影響到用家體驗,根本就係一個失敗嘅設計,砍掉重練啦!

4. 啲bug走晒出嚟

最簡單嘅例子,就係你地睇緊嘅Subtitle,原本係Bold大咗,但Publish之後又顯示唔到,同其他文字無分別。

Medium寫手應該會知道,鎖咗嘅文,喺發表時間旁邊係會有個星號,代表呢篇文要畀錢先有得睇。自從我喺改Layout後發表嘅文,就算tick咗"Meter my story so it is eligible to earn money",都見唔到粒星星,反而之前啲鎖文照舊有星。開頭以為自己唔記得set鎖文,後來先知應該係bug。

咁而家篇文set咗鎖文,但見唔到星號,到底有鎖定無鎖?篇文仲賺唔賺到錢?Medium你改Layout唔緊要啊,唔該試清楚無bug先拎出嚟啦好唔好?

5. 免費仔白嫖最開心

原本Medium個收費系統就好簡單,有畀錢就可以睇鎖文,反正都係5蚊美金,好多人都唔介意。

但而家作者front page由文章標題,變咗做文章全部內容,就算係無畀錢,甚至無Medium account嘅讀者,只要有恆心,都可以由最新一篇文章,碌到去最舊一篇文章,完全無任何限制。

假如我係讀者,喺google搵到一篇想睇嘅Medium鎖文,只要click去作者front page,畀少少耐性就搵到全文,咁以後仲邊會有人再肯畀錢?

少咗人課金,作者收入再次大減,Medium收益又少咗截,除咗免費仔之外根本無贏家。真係想問一句︰

Image for post
Image for post

6. 好難搵文

喺Medium如果唔用Publication功能,係無得加入分類功能,唔可以好似其他blog系統咁,用分類嚟搵文章。以前都話可以快速喺作者front page快速碌過title嚟搵文,而家碌勁耐先碌得過一篇長文,出產量多嘅話,都好難摷得返幾個月,甚至幾年之前寫過嘅文喇,呢樣對於作者同讀者一樣麻煩。

7. 原來有方法重新鎖文,但官方唔會話你知

Medium唔聲唔聲,將大家之前嘅鎖文全部公開晒,呢樣都唔同佢計較住先。到底之後有無方法,正常咁鎖起篇文,要課金先可以解鎖呢?

上面就提過Medium有個blog叫 3min read,用嚟介紹官方嘅新動向,就畀我發現到原來每篇文都要click落去個Title,或者左下角嘅"Read more"先睇到全文。呢個咪就係寫手需要嘅鎖文function囉,而且可以自己選擇公開幾多%嘅文章,好似都唔錯喎。

今次Medium改版,其實睇得出加入咗一啲新元素,好似自訂介紹字同背景顏色,可以upload自訂logo,想貼近返blog果種customize風格,但都只係屬於小改進,反而個廢Layout就認真趕客!唔知大家又點睇?


「碰瓷」這種騙術,沿自北京,就是故意讓受害者撞跌廉價瓷器,卻索取天價金錢。現代騙徒則以肉軀代替瓷器,撞向行駛中的汽車製造「假車禍」來勒索,在香港被稱為撞車黨。

然而在次文化圈子上,碰瓷行銷又出現了不同的操作。利用極低的成本,搏取極高曝光率的大原則不變,但這次不會主動作指控,改為光明正大地抄襲日本的版權物,再由看不過眼的原作fans出手批判,從而進行炎上炒作。最近在宅界有兩個很熱門的案例,就是碰瓷行銷的典範。

【佛山一番街】

我們對中國這數十年來山寨日本ACG文化,其實早已麻木。那些動漫畫或者精品,就算抄得多誇張,在新聞看過後,最多恥笑一下就算,不會有太大反應。

所以,佛山一番街為了刷知名度,就用上了碰瓷行銷手法,把眾多國內知名ACG品牌全部都碰瓷一次。遠至冒險島、GAME BOY、麵包超人,近至頭D、柯南、NARUTO、ONE PIECE、太鼓達人的品牌名字,都呈現在霓虹光管之上。

但是!營運方卻算漏了一點,就是開幕之後撞正10月1日,如此政治不正確的「精日」街道,難免被愛國勢力批判一番。當國旗、大媽和小粉紅進駐街道的那一刻起,難得營造起來的偽日本感,立即煙消雲散了。

【原神】

《原神》這隻中國產遊戲最近推出,負面新聞舖天蓋地,除了後門程式事故外,抄襲《薩爾達》和其他遊戲元素,也成為眾矢之的。

但有留意開遊戲新聞的話,都知道《原神》不是最近才被指抄襲,早在2019年中發佈宣傳片時,遊戲迷就已經察覺到《原神》無論在開放世界設計、角色動作和美術方面,都和《薩爾達傳說 曠野之息》驚人地相似,自此攻擊《原神》的聲音從未停過。

若果以碰瓷行銷來分析,一切就說得通了。

其實只要Google”原神 碰瓷”,就會有大量網絡文章都以這兩個關鍵字為標題,不少更是去年中已經存在。中國遊戲迷早就知道米哈遊的技倆,但諷刺的是這些攻擊《原神》的文章,都成了炒作的一部份,支持和反對兩方陣營,越鬧越火爆,令遊戲未出先紅。

假如任天堂真的在這時走來越洋狀告《原神》抄襲,只會將口水戰升格為民族鬥爭,受益的只有《原神》一方。而且在沒有違反任何專利的情況下,任天堂指控對方侵權的官司亦很難打,倒不如睜一隻眼閉一隻眼算了。

個人認為,想鬧的話即管鬧,但不應將「抄襲」放重點。佛山一番街,就要針對其醜陋設計和錯誤的日文語法,打消別人前往打卡的念頭。《原神》就強調遊戲的體驗極差,照抄也抄得不好(看過youtube中有不少KOL都朝這方向批判)。

【精選文章】


(Patreon付費限定)

Image for post
Image for post

今個月初,我就買入了一隻日股,該集團旗下某間公司,在香港爆紅,市民爭相排隊進場,猜不猜到是哪一隻股票呢?我已在Patreon的文章中,向大家分析我看好這日股的原因,想知道就快點來看看吧︰

https://www.patreon.com/posts/42314398

今天又寫了另一篇新文章,破解新手對美股的種種謬誤,假如對於美股市場有興趣的宅人,務必一讀︰
https://www.patreon.com/posts/42627991

只需每月付出一杯咖啡的價錢,就能閱覽我在Patreon內的全部投資相關文章(新手向),保證令你在短時間內通曉各種理財投資技巧!

【精選文章】

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store